Últimos dias para a pré-inscriçom na Escola Semente de Compostela para o curso 2021/2022



Os quase 600 metros quadrados dos três andares e a finca florestal de 3500 m2 no lugar das Moas acolherám o próximo ano o alunado dos ciclos de infantil e primário, em ajeitadas condiçons de segurança, acessibilidade e integraçom.

sementeA pré-inscriçom para o curso 2021/2022 na Escola de Ensino Galego Semente de Compostela, aberta desde o passado 1 de março, está prestes a rematar. Entre o 1 e o 30 de junho abrir-se-á o prazo de matrícula, para crianças de infantil (2-6 anos) e de primário (6-12).

Perante os alarmantes dados que falam da desgaleguizaçom das crianças galegas, como os recentes do Conselho de Europa, que denunciou que 1 de 4 crianças menores de 15 anos nom sabe falar galego, a Semente é a resposta popular para dar às crianças “a oportunidade de viverem com alegria a tranquilidade na língua que falam no lar e que nom aceita o extermínio programado do galego”. A comunidade de famílias, educadoras e ativistas que conforma a Escola Semente Compostela chamam ás famílias a unir-se para afortalar o projeto e “ter umha voz mui alta que seja ouvida e que obrigue a mudar estas políticas linguicidas”.

A Escola Semente é um projeto autogerido, sem ánimo de lucro e que desenvolve um modelo de imersom e proteçom linguística dentro das aulas e um processo comunitário de socializaçom do galego nos espaços extra-escolares. O Projeto Moas, o ano passado, conseguira em quinze dias mais de 350.000 euros em avais de centos de pessoas que deram o seu apoio económico ao projeto. Depois deste primeiro passo, empreendeu uma campanha de micromecenado no que foram conseguidos 160.000 euros destinados à rehabilitaçom e adequaçom do espaço ao seu uso educativo.

A pré-inscriçom para o curso 2021/2022 na Escola de Ensino Galego Semente de Compostela, aberta desde o passado 1 de março, está prestes a rematar. Entre o 1 e o 30 de junho abrir-se-á o prazo de matrícula, para crianças de infantil (2-6 anos) e de primário (6-12).

Recentemente, a Semente recebeu o prémio Mil Primaveras, com que a Coordenadora de Traballadores/as pola Normalización Lingüística (CTNL) põe em valor de ações, campanhas, programas e projetos com o objectivo principal de fomentar a língua galega e procurar o aumento do seu uso e prestígio. Entre outras categorias, premiam o melhor projeto de fomento do galego na infância e/ou mocidade, entre os projetos que contribuam à socializaçom em galego desta populaçom, destinatária prioritária na normalizaçom linguística para garantir o futuro da língua. Com essa vontade de seguir trabalhando pela educaçom em galego, a Semente abre as portas das Moas de cara ao curso 2021/2022.


PUBLICIDADE