Projeto Moas: A nova escola da Semente Compostela precisa mecenas

Procuram 130.000 euros para a compra e reforma da escola



semente-moasA Escola Semente de Compostela lançou-se ao grande: umha escola de 600m2 distribuídos em 3 andares, com possibilidade de ampliaçom de 50%, numha finca florestal de 3500m2. Iniciarom-se já os trámites legais, técnicos e administrativos precisos para pôr em andamento a compra destas instalaçons que permitirám concentrar todas as propostas da associaçom num único espaço. Assim vam acolher todas as crianças dos centros de Educaçom infantil (de 2 a 6 anos) e de Educaçom primária (6 a 12 anos), de modo a poderem juntar-se num único espaço.
As ativistas da Semente pedirom um empréstimo à cooperativa de crédito Coop57 de 285.000€, um dinheiro que vai destinado na sua totalidade à aquisição do imóvel, despesas derivadas como impostos e o projeto de reforma do estudo de arquitetura.  Isto nom cobre as despesas de reforma, polo que precisam de 130.000€ para levá-la a cabo. Para poder contribuir a fazer realidade este projeto, lançarom umha campanha de micromecenado na que se pode contribuir aqui.
As Escolas Sementes som um dos projetos mais transformadores dos últimos anos na Galiza, a nível de autogestom em matéria de defesa da língua, permitindo pequenas ilhas de conservaçom linguística para as crianças das cidades.
Os centros atuais da Semente Compostela som um espaço feminista, de pedagogia transformadora que entende a escola como parte integrante da sociedade e pretende servir aos interesses populares garantindo um processo de ensino com aprendizagem democrática e fazendo possível que as crianças sejam cidadás livres e críticas.

Por que Moas?

projeto-moasEstas instalaçons estám no lugar das Moas de Baixo número 19, na paróquia de Vidám, do Concelho de Santiago de Compostela. A finca na que se encontra o edifício é umha floresta autóctone, matizada por algumas espécies ornamentais. Um espaço exterior idóneo para uma educaçom inserida na natureza. Ademais, esta localizaçom da nova escola permite poder aceder a ela desde o centro da cidade a pé, bicicleta e/ou transporte colectivo.

Nem público nem privado: ensino comunitário

projeto-moas01Semente Compostela é um projeto social sem ánimo de lucro que promove uma educaçom em galego acessível para todas as famílias. Leva funcionando desde o ano 2011, integramente em galego, e hoje está formada por um grupo de 7 trabalhadoras e comissons de trabalho das que formam parte pessoas das 70 famílias usuarias da escola. Com o apoio de colaboradoras económicas, militantes e gente afim ao projeto, que -mesmo sem ter necessidade dos serviços de umha escola- acreditam num ensino em galego e numha pedagogia que pretende servir aos interesses populares garantindo um processo de ensino e aprendizagem democráticos e que fai possível que as crianças sejam cidadás livres e críticas,  a partir da defesa do idioma galego, do seu caráter internacional, e como parte indissolúvel da nossa cultura, da nossa história e do nosso futuro.

 


PUBLICIDADE

  • Arturo Novo

    Eu quero colaborar. Se me proporcionais um número de conta fazer-vos-ei um humilde ingresso. Obrigado.

    • https://pgl.gal Valentim R. Fagim

      Caro Arturo, a melhor forma é na própria plataforma:https://gl.goteo.org/project/projeto-moas

      • Arturo Novo

        Já intentei. Não me aclaro. Solicitam um contrasinal. Eu não tenho nenhum contrasinal. Que faço?