- Um conjunto variado de iniciativas abordam esta problemática social a partir do prisma literário.
- Está organizado por alunado da faculdade, que procura sensibilizar e luitar contra os diferentes tipos de violências exercidos contra as mulheres.
Com motivo do 25 de novembro (Dia Internacional pola Eliminaçom da Violência contra as Mulheres), do 20 ao 27 deste mês terá lugar na Faculdade de Filologia da Universidade da Corunha o evento Esta furia e esta razón. Semana poética contra as violencias de xénero. Está organizado polo alunado da matéria Poesia em Língua Galega e Portuguesa, com a colaboraçom do decanato e da biblioteca da faculdade. Consta de um conjunto variado de iniciativas que abordam esta problemática social a partir do prisma literário.
Está organizado polo alunado da matéria Poesia em Língua Galega e Portuguesa, com a colaboraçom do decanato e da biblioteca da faculdade. Consta de um conjunto variado de iniciativas que abordam esta problemática social a partir do prisma literário.
As atividades comezarom o 20 de novembro com a distribuiçom polas portas das aulas da faculdade de vinte e cinco poemas em galego e português que tratam o tema da violência contra as mulheres. Esse mesmo dia, foi instalado no vestíbulo do centro um mural colaborativo onde todas as pessoas que o desejem podem participar completando a frase “Eu luito contra as violências de género porque…”. Ademais, criou-se na biblioteca da faculdade um centro de interesse bibliográfico que reúne vinte obras poéticas ligadas com a temática do evento.
O dia 22, a partir das 13:00, na Sala de graus da mesma Faculdade de Filologia, terá lugar o colóquio “A poesia galega contra as violências de género”, com participaçom da investigadora e criadora artística Inma Doval Porto, da também investigadora e poeta Ánxela Lema París, e da escritora Ana Fraile Somoza, estudante do centro que acolhe o evento. Umha vez finalizado o colóquio, haverá um recital poético aberto a todas as pessoas interessadas, que podem ler textos próprios ou alheios. Todas as atividades som de aceso livre e gratuito, ainda que para o recital é preciso inscrever-se previamente no correio eletrónico poesiadecuarto@gmail.com.
O dia 22, a partir das 13:00, na Sala de graus da mesma Faculdade de Filologia, terá lugar o colóquio “A poesia galega contra as violências de género”, com participaçom da investigadora e criadora artística Inma Doval Porto, da também investigadora e poeta Ánxela Lema París, e da escritora Ana Fraile Somoza, estudante do centro que acolhe o evento.
Com esta iniciativa, que tem como lema um verso da poeta galega Ana Romaní, o grupo organizador procura partilhar com o resto da comunidade universitária unha parte dos conhecimentos adquiridos na sua formaçom académica, ao tempo que efectua um labor de sensibilizaçom e luita contra os diferentes tipos de violências exercidos contra as mulheres. Toda a informaçom ligada com o trabalho ligado a este evento pode seguir-se na conta de Instagram @poesia.udc
