Ramón Varela Punhal fala de cristianismo para O Facho

O catedrático de Filosofia e colaborador do PGL participará hoje no ciclo 'Língua, Literatura e Naçom' com um achegamento sobre 'O Cristianismo contra a razom'



Agrupaçom Cultural 'O Facho'

Agrupaçom Cultural ‘O Facho’

A Agrupaçom Cultural O Facho da Corunha convida assistir a mais um capítulo do seu ciclo ‘Língua, Literatura e Naçom’ esta terça feira às 20 horas. A cita será no local de Portas Ártabras –rua Sinagoga 22, na Cidade Velha da Corunha–, onde o público poderá assistir a uma disertaçom sobre “O Cristianismo contra a razom“. O palestrador será o catedrático de Filosofia de Bacharel Ramón Varela Punhal, licenciado em Teologia pela UPS e colaborador do Portal Galego da Língua.

Varela Punhal também cursou a Licenciatura em Filosofia e em Organizaçom do Trabalho pela Universidade Católica de Lovaina. Soma a este percurso académico as licenças em Filosofia e em Psicologia pela Universidade de Santiago de Compostela, onde também obtive o doutorando nas mesmas disciplinas. O filósofo viajou à cidade de Tréveris (Alemanha), onde trabalhou como bolseiro para a Universidade de Lovaina. Além disto, a sua atividade cultural e ativista está ligada à direção e redação da revista escolar Caruxeira, dedicada à normalização do galego. Entre as suas obras convém destacar Nacionalismo dispar: Ortega-Julián Marías versus Vicente Risco-Castelao, NOEIN, Historia da Filosofia, NOEMA, Iniciaçom à filosofia, Galiza, um povo, uma língua. Por último, também tem colaborado com o trabalho Relaçons Galiza-Portugal em Castelao, na obra Estudos dedicados a Ricardo Carvalho Calero.

Correo electrónico: [email protected]

Segue-nos en Facebook: Agrupaçom Cultural O Facho

Para ajudas e aportaçons económicas: Conta ES02.3070.0044.58.6090453421

Todas as palestras dadas estám enhttp://agal-gz.org/blogues/index.php/ofacho/


PUBLICIDADE