Podemos-Galicia, o Concelho de Ferrol e a A.C. Alexandre Bóveda somam-se à demanda de Carvalho Calero 2021

Nas últimas semanas dúzias de organizaçons do âmbito político e cultural reclamam o adiamento da homenagem



carvalho-calero-a-surrirA delegaçom autonómica da organizaçom política Podemos, difundiu através das suas redes sociais, nesta fim de semana o seu possicionamento a favor do alargamento da celebraçom da homenagem a Carvalho Calero até 2021 “manifestamos o noso desexo de que a Real Academia Galega amplíe a homenaxe“, e destacavam como objectivo que “a festa das nosas letras e da nosa lingua poida facerse con todas as garantías para desenvolver os eventos e actividades que están suspendidos polo Coronavirus.” Ainda, a organizaçom destacou que “estamos diante dun dos autores das nosas letras que presenta máis apoios sociais, culturais e de base na reivindicación das letras.”

Como já sinalarom muitos outros coletivos, também Podemos fez fincapé em que “se calquera autor ou autora merecería, en circunstancias como as actuais, que se alongara a súa homenaxe, no caso concreto de CArvalho isto, tal vez, sexa aínda de maior xustiza pola súa dimensión de intelectual e os numerosos apoios sociais que o acompañan.

A agrupación Alexandre Bóveda: Carvalho Calero 2021, e Luísa Villalta 2022

A asociaçom com sede na Corunha fez um comunicado em que sinala que “Con Ricardo Carvalho Calero confinado –por segunda vez– e na espera da homenaxe merecida –que desexamos continúe para o ano 2021, como piden moitas organizacións e institucións–“. E ainda, da Alexandre Bóveda aproveitam para denunciar que das cincuenta e oito figuras homeageadas, apenas quatro forom mulheres. Assim que já agora, proponhem para o ano a seguir, 2022, à corunhesa Luísa Villalta.

A câmara muncipal de Ferrol, também reclama o 2021 para Carvalho

acto-carvalho-calero-ferrol

ato de homenagem institucional o 17 de maio em Ferrol

O Concelho de Ferrol, que celebrou o 17 de maio um ato institucional, aproveitou a celebraçom para confirmar que o Concelho se une à petiçom para que o próximo ano as Letras Galegas voltem estar dedicadas a Carvalho, como sinalou o alcalde no seu discurso: “este pequeno acto debe ser só un limiar. O Concello quere unirse á cidadanía ferrolá e ás entidades que tanto tempo levaban reivindicando este día para solicitarlle á Academia que o próximo Día das Letras, o do 2021, estea tamén dedicado a don Ricardo”.

E ainda destacou do autor: “Os seus estudos sobre gramática e literatura serviron de alicerces do galego moderno e as posicións que defendeu na derradeira etapa da súa traxectoria constitúen unha mostra da riqueza dunha sociedade plural coma a galega, e tamén unha necesaria ponte sobre o Miño.”

As associaçons culturais

Estes novos posicionamentos sumam-se às que já recolhemos há umhas semanas atrás neste portal da AGAL, a Mesa, a AELG, o Instituto de Estudos Chairegos, a Federación Galega de Asociacións Culturais e a Fundación Manuel María. Também a Associação Socio-Cultural Lareira de sonhos dos Vilares e o grupo Nova Poesia Guitirica NPG

Os movimentos sociais e organizaçons políticas

As organizaçons Associaçom de Estudos Galegos (AEG), Briga, o Coletivo Terra, a SCD Condado, as Escolas de Ensino em Galego Semente, assim como os centros sociais CS A Revolta e CS Faísca de Vigo, a CS O Pichel de Compostela, o CS Gomes Gaioso da Corunha, o CS Madia Leva de Lugo, o CS O Quilombo de Ponte Vedra, a Fundaçom Artábria de Trasancos e o CS Fuscalho do Baixo Minho assinarom um comunicado conjunto que noticiamos aqui.

Também o BNG, a CIG-ensino e a agrupaçom municipal Compostela Aberta se possicionarom nesta mesma reclamaçom, como já noticiamos neste portal.

Vozes particulares

Para além de coletivos, som muitas as vozes que estám a mostrar o seu apoio através das redes sociais e em artigos, como o de Eliseu Mera publicado aqui, onde se analisa a pertinência deste adiamento. Outros meios de comunicaçom também recolherom opinions nesta linha, como a posiçom do escritor Henrique Dacosta que difundiu o Diario de Ferrol. Ou a do livreiro Antón Pedreira que se possicionou publicamente nesta chave: “cómpre que 2021 volva ser ano Carvalho Calero”, declarava numha entrevista recente no portal galiciaconfidencial.

Ainda, Carlos Garrido, professor e presidente da Comissom Lingüística da Associaçom de Estudos Galegos (AEG) em entrevista para a organizaçom Galiza Nova, considera, a respeito do adiamento da homenagem a 2021 que a RAG “deveria fazê-lo, nem que seja como ato de reparaçom do indecente ostracismo a que tem submetido durante largos anos a figura de Carvalho Calero.”

 


PUBLICIDADE