Partilhar

Ridiculismo prepara-se para receber Galicia Bilingüe em Compostela

PGL – O movimento ridiculista galego leva já dias a preparar-se ante a iminente chegada da organizaçom galegófoba Galicia Bilingüe a Compostela, que pretende manifestar-se na capital nacional no vindouro dia 8 de Fevereiro em defesa da primazia da língua castelhana.

Ainda que som cientes da dificuldade, procurarám lograr um sucesso similar ao alcançado no passado 19 de Outubro, quando os ridiculistas eclipsárom totalmente as organizações espanholistas, sendo aliás capa de jornal.

Decerto, motivaçom nom falta, e da activa plataforma Sei o que nos Figestes… (SOQNF) já têm preparado o que será o lema e leitmotiv da recepçom: Bilingüismo, Mr. Marshall, paródia do filme Bienvenido, Mr. Marshall (Luis G.ª Berlanga, 1950). Deste colectivo querem que «as aldeãs e os aldeãos» que moram em Compostela fagam como os protagonistas da fita berlanguiana e cuidem todos os detalhes «para recebermos os tangallegos [por Tan Gallego como el Gallego, a associaçom que foi gérmolo de Galicia Blingüe]  como merecem, quer dizer, com alegria(s)».

A próxima chegada à capital galega dos grupos pola primazia do castelhano serviu também como estímulo para a reactivaçom do blogue Tan Gallego como el Gazpacho (TGCG), web de umha espanholia logradíssima, sobretudo mercê lemas como «tan gallego como las molineras». De facto, aquando a sua criaçom, nom fôrom poucas as pessoas que realmente acreditárom que era um sítio real. Talvez fosse esse o seu primeiro sucesso, mas já colheitárom um outro tempo atrás quando a reaccionária Mesa por la Libertad Lingüística utilizou numha manifestaçom um logótipo desenhado por TGCG, demonstrando que a realidade pode chegar a superar a ficçom.

Agora, no seu regresso, anunciam novas entregas da sua Ruta de los Cuadernos Mojados, série de crónicas na qual dam conta da odisseia de milhares de famílias galegas para conseguirem livros de texto em castelhano, chegando à necessidade de traficar com eles.

UPeyDeyros

Além da manifestaçom de Galicia Bilingüe, a proximidade das eleições galegas é outro dos factores que servem de inspiraçom, e graças à combinaçom de ambos a família ridiculista galega aumentou com a chegada de um novo membro, UPeyDeyros, paródia do partido espanholista Unión, Progreso y Democracia. Precisamente, este novo blogue nasceu na mesma semana em que a sua candidata Rosa Díez véu à Galiza fazendo umhas declarações nas quais vinculava a normalizaçom lingüística com o fracasso escolar do 25% das crianças do país. Mais umha vez, estas manifestações evidenciam que a realidade supera a ficçom, já que a mesma afirmaçom tinha sido feita polo ridiculismo galego no passado 19 de Outubro.

 

http://www.seioque.com

 

+ Ligações relacionadas:

 

 

 

AGAL organiza obradoiros de português para centros de ensino primário e secundário em Moanha

Saioa Sánchez, neofalante: “Para mim faz muito sentido falar galego se vais viver na Galiza”

Lançamento do livro “André”, de Óscar Senra, com Susana Arins em Vedra

AGAL e Concelho de Cotobade apresentam Leitura Continuada da República dos Sonhos

Queique de abacate e limão

O 39º COLÓQUIO DA LUSOFONIA decorrerá em Vila do Porto (Santa Maria, Açores) de 3 a 6 de outubro 2024

AGAL organiza obradoiros de português para centros de ensino primário e secundário em Moanha

Saioa Sánchez, neofalante: “Para mim faz muito sentido falar galego se vais viver na Galiza”

Lançamento do livro “André”, de Óscar Senra, com Susana Arins em Vedra

AGAL e Concelho de Cotobade apresentam Leitura Continuada da República dos Sonhos