PGL – Ramiro Vidal Alvarinho apresentará no dia 25 de Janeiro às 20:30 horas o seu poemário Letras de Amor e Guerra na Fundaçom Artábria, de Ferrol (Travesia de Batalhons, 7) O livro foi publicado polo coletivo A Porta Verde do Sétimo Andar no ano 2012, dentro do seu projeto editorial “Q de Vian Cadernos”. Neste ato de lançamento, participará o escritor Mario Regueira.
Letras de Amor e Guerra é um poemário que consta de três partes: “Ópera caníval”, “Evocaçom da luita” e “Cançom corsária para um albatros”. Nele podem-se encontrar cenas urbanas, poemas sobre a conflituosa relaçom entre o ser humano e o méio ou ensonhaçons entorno ao amor, o sexo e a liberdade.
A fantasia é um caminho libertador rumo à utopia, num mundo de opressom onde ao ser humano se lhe nega a esperança. A procura da liberdade é o fio condutor de todo o livro.
Ramiro Vidal (Ferrol, 1973) tem umha dilatada trajetória literária, com participaçons em várias ediçons coletivas tanto de poesia como de narrativa, publicaçons em papel e sítios web literários. Pertence ao coletivo A Porta Verde do Sétimo Andar desde o ano 2010.