PGL – A Associaçom Galega de Editores (AGE) concedeu à coelcçom de Fotobiografias Sonoras publicadas por Ouvirmos, o Prémio Rosalia de Castro à melhor iniciativa editorial do ano 2009.
O prémio foi entregue na V Noite da Ediçom da Galiza, gala com a que a AGE reúne anualmente ao grémio livreiro galego. O evento, apresentado polo jornalista Camilo Franco, tivo lugar no sábado 19 no Liceu de Ourense. Com o prémio, os editores reconhecem às empresas que se tenhem destacado com novos projectos de carácter inovador dentro do sector.
As Fotobiografias Sonoras de Ouvirmos apresentam-se num novidoso formato (livro+2CD’s), que oferece um recorrido visual pola vida dos poetas através dum amplo conjunto de fotografias seleccionadas e comentadas a partir dos seus álbuns familiares. Os dous CD’s que acompanham o livro achegam a própria voz do autor assim como umha selecçom dos seus poemas musicados por grandes artistas. Manuel Maria, Celso Emílio Ferreiro, Avilês de Taramancos e Álvaro Cunqueiro som os protagonistas dos primeiros quatro volumes publicados na colecçom.