PGL – Como todos os anos, a associaçom berziana Fala Ceive festeja o Dia das Letras com actividades na regiom. Neste ano retomam a iniciativa de doaçom de livros em galego às bibliotecas municipais do Berzo, um labor de promoçom quedata de 1998, data de constituiçom do colectivo.
Nesta ocasiom, a doaçom compreende 200 livros fornecidos por Xerais, repartidos em quatro lotes para outras tantas bibliotecas. Por enquanto já entregárom os destinados à bilioteca municipal de Bembivre, que pola vez primeira recebe livros aportados por Fala Ceive, e às de Vila Franca e Ponferrada.
De Fala Ceive salientam que a ponferradina tem «um claro carácter regional» (é a capital da comarca), polo que se podem beneficiar da iniciativa leitoras e leitores de toda a zona. Por esse motivo, também é a que recebeu um maior número de livros.
O bibliobus da Deputaçom de Leom, que percorre os núcleos rurais do Berzo, também recebeu um lote de livros infantis e juvenis, atendendo o pedimento realizado polas bibliotecárias.