PGL – A terça-feira, dia 6 de setembro, a Companhia de Rádio/Televisom da Galiza (CRTVG) iniciará um processo seletivo de consolidaçom de emprego. Mais de 2.200 pessoas optarám a apenas 193 postos.
No entanto, segundo informa o diário La Voz de Galicia, o correto uso do galego nom será um dos principais critérios. Assim, a prova de galego oral apenas representará 15 pontos dos 120 possíveis, e a de locuçom 30. O mau uso da língua apenas será eliminatória para quem a nota final for inferior aos 40%, dos 15 pontos referidos, isto é, menos de seis pontos.
Quem passarem esta peneira inicial ainda terám de se enfrentar a umha prova teórica, que também contará com elementos lingüísticos. No entanto, essas perguntas já levam meses em posse dos opositores, quem com um simples exercício de memorística poderiam passá-la sem que isso avalizasse realmente conhecimentos e domínio do nosso idioma.
PP e PSOE rejeitárom defesa do galego na CRTVG
Em começos do verão o PGL noticiou a aliança entre PSOE e PP para rejeitarem uma proposta do BNG que visava a «efetiva galeguizaçom» da Companhia de Rádio/Televisom da Galiza. Os argumentos de PP e PSOE acusavam a iniciativa do Bloco de procurar «o monolingüismo nas emissões destes meios públicos», quando precisamente o atual quadro legal da CRTVG o consolida como meio monolingüe em galego.
Na proposta que acabou por ser chumbada o BNG reclamava diferentes melhoras nom apenas do ponto de vista do uso quantitativo do galego, mas também do qualitativo e até do relacionamento particular com a Lusofonia, para evitar casos como o da pronúncia do topónimo brasileiro ‘Rio de Janeiro’ à espanhola, marcando um fonema inexistente no sistema galego-português.
No relativo à qualidade lingüística, pediu-se a «pulcritude fonética» e a «eliminaçom de híbridos castelhanistas» como parte dos critérios de seleçom para apresentar espaços na televisom ou na rádio públicas.
Sobre os critérios informativos cabe destacar, ligando com o anterior, incrementar a presença das comarcas estremeiras na programaçom da CRTVG e dar um tratamento preferencial às notícias procedentes dos países de língua oficial portuguesa, especialmente Portugal e o Brasil, bem como acabar com a recente prática da legendagem ou inclusom de voz em off das declarações realizadas por cidadãos lusófonos.
NOTA DA REDAÇOM:
Por observaçom de um leitor fôrom corrigidos dous dados no segundo parágrafo desta informaçom, que faziam referência ao peso das provas de locuçom e galego oral. Mais informações a respeito aqui.
+ Ligações relacionadas:
- PP e PSOE rejeitam iniciativa em defesa do galego na CRTVG [PGL, 14/06/2011]
- Proposiçom nom de lei contra a espanholizaçom da televisom e rádio públicas [PGL, 14/02/2011]
- Perguntam no Parlamento polo tarifário em espanhol da Rádio Galega [PGL, 02/09/2010]
- A CRTVG contribui para a castelhanizaçom dos topónimos estremeiros [PGL, 21/06/2010]
- Proposiçom nom de lei em favor do reintegracionismo lingüístico [PGL, 30/03/2010]