PGL – O presidente do Conselho da Cultura galega, Ramón Villares, enviou na sua intervençom ante a câmara galega umha mensagem que coloca o projecto comum com a lusofonia no centro da planificaçom futura da instituiçom que preside.
Villares expressou que umha das metas centrais do Conselho é «a incidência na acçom cultural com projecçom no exterior, especialmente nos países de língua portuguesa».
Estas declaraçons fôrom realizadas a petiçom própria e foi mui bem acolhida polos três grupos com representaçom na Câmara. Os planos incluem-se numha estratégia de melhora da saída exterior da cultura do País. Villares apontou a conveniência de considerar a introduçom de critérios de avaliaçom, por objectivos e resultados, nas políticas culturais, e recordou a importância de perseverar no fomento da acçom exterior.
+ Ligaçons relacionadas:
- Conselho da Cultura Galega quer ser ponto com a Lusofonia [El País, 04/06/2010]