Para o dia 1 de outubro, a Associaçom Galega da Língua (AGAL) promove a celebraçom do Dia do Orgulho Neofalante. A escolha da data deve-se ao aniversário do nascimento do cantor Andrés do Barro, designado há vários anos por diferentes coletivos como símbolo das pessoas neofalantes de galego.
Com esta iniciativa, a AGAL recupera umha outra do coletivo Sei o que nos Figestes. Precisamente, a associaçom fará da mesma maneira e, em lugar de atos físicos, promove umha celebraçom virtual.
Desta maneira, as pessoas interessadas em participar estám chamadas a enviarem autofotos com um cartaz que ponha «sou neofalante e estou orgulhosa/o» e publicá-las no evento criado na rede social Facebook. As galegas e galegos paleofalantes também podem participar, no seu caso publiando um cartaz em que exibam apoio e solidariedade «com aquelas pessoas que, numha dada altura das suas vidas, decidem passar-se ao galego».
Ademais, para esta e outras reds sociais fôrom escolhidas umha série de palavras-chave: #1outubro #DdoONF #OrgulhoNeofalante #OrgulhoNeo.
Finalmente, as pessoas que ainda som castelhano-falantes mas têm vontade de passar para o galego, podem enviar umha autofoto com um cartaz com a legenda «De hoje nom passa! Hoje passo ao galego!».