O ato será às 12 horas no centro social Xebra e contará com a presença do jornalista Xulio Xiz e com o acompanhamento musical do grupo de gaitas Carricantos
O autor e músico Baldomero Iglesias, ‘Mero’, apresentará o seu livro 50 aniversario. Fuxan os ventos. Quixo o paxaro pousar a póla no seu chío (editorial Galaxia). O autor estará acompanhado polo jornalista Xulio Xiz e o ato contará com a interpretaçom musical do quinteto de gaitas “Carricantos”.
O volume é umha homenagem e lembrança às amizades cantoras que acompanharam o autor na sua singradura com a agrupaçom musical Fuxan os Ventos, durante aqueles importantes anos da recente história musical galega. Esta narraçom converte-se “na minha verdade, que exerço na liberdade de contar. Ainda que é certo que vai arroupada com dados que possam dar prova, por eles mesmos, de que a história já foi narrada anteriormente, e discrepo das que outras pessoas contaram”, em palavras do autor.
Baldomero Iglesias (Vilalba, 1951) é titulado em Magistério e formou parte do grupo Fuxan os Ventos desde a sua fundaçom em 1972 até 1983, para depois, com Xosé Luís Rivas (Mini), formar A Quenlla (1984-2018). Em 2007 cede todas as suas recompilações de campo —cantos, recitados, lendas, contos, bailes, etc.— ao Museo do Pobo Galego para serem digitalizadas e formar parte do Arquivo do Património Oral e Imaterial da Galiza.
