Inúmeros autores consideram que os neofalantes teram um papel moito importante no futuro, e as suas prácticas lingüísticas poderam alterar certas dinámicas.
As definiçons de neofalante variam segundo o autor, mais umha definiçom relativamente nom controvertida dum neofalante na Galiza seria aquela persoa que, nom tendo o galego como língua materna ou língua habitual de comunicaçom, decide conscientemente outorgar-lhe ao galego um papel máis relevante na sua vida: nas suas relaçons cos seus amigos, com familiares, coas instituçons, cos cativos, no trabalho, nas suas produçons persoais, etc. Poderia dizer-se que é umha atitude que parte dum compromisso co presente e co futuro da língua galega e do desejo voluntário do indivíduo de língua materna nom galega de se desenvolver como galegofalante nos distintos eidos da vida cotiá. Neste formulário nom se considera o neofalantismo como umha questom de todo ou rem, senom como quase umha autodenominaçom situada numha escala que vai desde o uso parcial do galego até o uso total.
A investigaçom na que estamos submersos e o formulário que apresentamos incide sobre as preferéncias lingüísticas dos neofalantes, sobre todo no tocante à normativa que empregam (RAG, AGAL, Padrão português, outras). Para obter dados significativos de análise seria necessária umha participaçom considerável na enquisa desenhada para poder analisar as tendéncias.
Para participar da enquisa: https://goo.gl/forms/0mhl6ZY43RwVDIX62
Este formulário fai parte dum estudo que se presentará na Sociolinguistic Summer School de Barcelona, um evento internacional que brinda a oportunidade a estudantes de mestrado e doutoramento de apresentar os resultados das suas investigaçons. Este ano a Escola de Sociolinguística fai parte das atividades do COST, o marco europeu com mais experiéncia no fomento da cooperaçom transnacional entre investigadores, engenheiros e académicos da Europa. Este ano, as atividades do COST focam-se nos neofalantes, tema principal da presentaçom e da tese de mestrado do autor.O objectivo deste formulário é analisar as atitudes e práticas linguísticas dos neofalantes de galego e determinar a sua preferéncia pola normativa da Real Academia Galega (RAG) ou pola da Associaçom Galega da Língua (AGAL). Inúmeros autores consideram que os novos falantes de línguas minoritárias som um grupo que ganhará infuéncia no futuro, e as suas atitudes e práticas adquirirám maior releváncia, até o ponto de afectar as dinámicas sociolinguísticas das suas comunidades. As respostas, cujos autores nunca serám desvelados, serám empregadas para a devandita presentaçom e como parte da minha tese de mestrado na Université catholique de Louvain sobre os neofalantes.
- Este formulário será seguido por outro nuns meses, e com entrevistas a neofalantes e paleofalantes sobre as suas experiéncias, opinions e práticas, polo que se desejarem colaborar neste aspecto, o autor agradece que se ponham em contato com el através de neofalantesgaliza@gmail.com
