Eleições ao Conselho da AGAL a 9 de novembro

As candidaturas poderám apresentar-se entre os dias 25 e 30 de outubro



AGAL LOGO DECALOGO

Por acordo do Conselho da AGAL, convoca-se a Assembleia Extraordinária para a eleiçom do Conselho da Associaçom Galega da Língua. Terá lugar no sábado dia 9 de novembro de 2019, às 11h em primeira convocatória ou às 11h30 em segunda. O local da assembleia será, em princípio, o Museu do Povo Galego, em Santiago de Compostela.

De conformidade aos artigos 7, 10, 15 e 16 dos estatutos, a candidatura ou candidaturas som formadas por cinco ou mais associados/associadas (que incluem os cargos de Presidência, Vice-Presidência, Secretaria, Tesouraria e umha ou mais Vogalias) com um mínimo de um ano de antigüidade na AGAL e ao dia no pagamento das quotas. Se da candidatura decair algumha pessoa, continua sendo válida sempre que contar o mínimo de cinco associados/as.

As candidaturas serám apresentadas à Presidência da AGAL, entre quinze e dez dias antes do dia da assembleia, quer dizer, entre os dias 25 e 30 de outubro, ambos inclusive. Para isso, basta endereçar umha mensagem eletrónica para presidencia@a.gal com o assunto “Candidatura 2019”.

A Presidência porá em conhecimento público dos associados e associadas a candidatura ou candidaturas apresentadas. As diferentes candidaturas poderám utilizar os recursos informáticos da associaçom para a divulgaçom do seu programa, petiçom que será realizada também à Presidência.

A assembleia extraordinária eletiva desenvolve-se de conformidade aos artigos 43, 44, 45, 46 e 47 da normativa de regime interno da AGAL (capítulo VII dos Estatutos da associaçom). Conforme os atuais estatutos da associaçom, nom existe delegaçom de voto.


PUBLICIDADE