Suporte coletivo garante o lançamento de “Ricardo Carvalho Calero. Coraçom de Terra”

Campanha de micromecenado para a ediçom da BD supera as primeiras metas



90509098_116445643304088_1150700989334945792_oA campanha lançanda através da plataforma Verkami para apoiar a publicaçom da novela gráfica baseada na biografia de Carvalho Calero teve umha excelente acolhida, e mais dum cento de contributos fizeram com que se ultrapassassem em poucos dias os 2500 euros mínimos marcados como objetivo para poder desenvolver o objetivo de editar a BD. De facto, em apenas dez dias o montante superava os 4000 euros.

O coletivo editor mostrou o seu agradecimento por todos os apoios recebidos e deu mais um passo, oferecendo em aberto as tres primeiras páginas da novela.

O seguinte objetivo de recadaçom está nos 6000 euros, e de chegar-se a ele todos os livros irám assinados polos autores Xico Paradelo, Irene Veiga e Iván Suárez. A novela gráfica biográfica sobre a figura de Ricardo Carvalho Calero, é um livro de 124 páginas em formato A4 vertical a preto e branco, encadernado em capa dura. A ediçom vai a mao das editoras Através Editora e Demo Editorial, com o apoio da Asociación BD Banda.

Há uns dias, entrevistávamos neste portal o roteirista do livro, Xico Paradelo, que nos falou do projeto polo miúdo, e que nos achega a umha obra que dará para conhecer melhor um autor tam completo, um “gigante da nossa cultura tam injustamenta afastado do conhecimento público”.

O prazo para participar como mecenas ainda está aberto e para seguir as novidades sobre o projeto há informaçom atualizada nas suas redes sociais, no facebook, twitter e instagram.


PUBLICIDADE