Todos os artigos de Lola Ferreiro Díaz

O meu nome é Lola Ferreiro Díaz e, se tivesse que dizer apenas uma cousa sobre o meu perfil público, diria que som feminista desde que tenho memória. Estudei Medicina na USC. Durante os estudos militei na esquerda radical e no feminismo. Depois de terminar os estudos figem a dissertação de grau (hoje TFG) e depois a tese de doutoramento. Durante anos fum colaboradora docente no Departamento de Psiquiatria e participei em diversos projetos de investigaçom. Posteriormente véu uma etapa de atividade mui diversa, mui intensa e mui entusiasmante. Colaborei em projetos de formaçom do professorado (Educaçom para a Saúde), no desenho e desenvolvimento de diversos programas de Saúde Pública; entrei a fazer parte do Grupo-T de formaçom em terapia grupal e investigaçom em saúde mental e género (e 26 anos depois, continuamos); também comecei a investigar, refletir e agir no ramo das violências de género. Participei em todas e cada uma das lutas a prol dos direitos das mulheres, desde aqueles primeiros para a modificaçom do código penal, para o reconhecimento do direito à contraceçom, ao divórcio, ao aborto, ao trabalho digno e ao salário justo e igual que o dos homes e muitas mais. Na atualidade, continuo a militar, a escrever e a colaborar com a atividade (e com o ativismo) das feministas, das persoas represaliadas e maltratadas. Farei uma mençom especial à colaboraçom com a recuperaçom da memória das mulheres.