A obra do marinhá Leonel Rexes, galardoada com o prémio de novela curta Manuel Lueiro Rey, explora o vínculo do poeta Noriega Varela com umha antiga construçom de Alfoz
O livro será apresentado polo autor, que estará acompanhado do professor Bernardo Penabade no próximo sábado dia 11 de janeiro às 12 horas no centro social Xebra, na rua Leandro Cucurny,19 de Burela.
O centro social Xebra! acolhe este sábado 11 de janeiro a apresentaçom de ‘A montaña do poeta‘ (Xerais), a última novela do escritor Leonel Rexes. A atividade será de graça e começará às 12 horas, quando o autor afincado en Alfoz e o professor Bernardo Penabade desenvolvam un colóquio sobre a obra.
Na trama, Rexes descubre o vínculo do célebre poeta Antonio Noriega Varela, alcumado como ‘o poeta da montanha’, com umha vetusta construçom situada no Alfoz do Castrodouro. Deste feito real parte umha fiçom absolutamente contemporánea, umha trama que recrea o ocaso dum rural onde a mocidade luita por encontrar oco e onde as pessoas idosas, acompanhadas dos seus cans, matan o tempo morto legando a bagagem da vida. No meio desta existência rutineira, um suceso com essência ideológica sacode a dinámica do município.
Lionel Rexes (París, 1971), formado na Universidad Autónoma de Madrid, reside no Alfoz do Castrodouro desde mediados da década de 1990. É autor da novela «A raíña das velutinas» (com o que já ganhara o Premio Manuel Lueiro Rey de Novela Curta em 2017), do estudo paremiológico «Ditos e refráns do Valadouro» (2013) e de várias narrações curtas premiadas em diversos certames. Com «A montaña do poeta» (Xerais, 2022) conseguiu o XXVIII Premio Manuel Lueiro Rey de Novela Curta. Desde 2014 publica textos e artigos sobre aspectos literários e linguísticos no blogue «Vasoiras de xibarda». Em 2015 e 2016 foi organizador do encontro estival de escritores Ponte Literaria.
