Partilhar

AGAL lança site monográfico sobre Carvalho Calero

carvalhocalerowebA vida e a obra de Carvalho Calero, recursos didácticos sobre a sua figura, assim como os eventos e a atualidade deste ano som os eixos sobre os que gira a página carvalho2020.gal  que desde hoje está acessível já em aberto. Coordenada polo integrante do Conselho, Miguel Penas, e polo próprio presidente da AGAL, Eduardo Maragoto, o novo site quer ser umha “ferramenta atrativa e útil para chegar-se a umha figura de tantas faces como é o próprio Carvalho”, em palavras de Miguel Penas. O projecto contou com a colaboraçom económica da Secretaria Geral de Política Línguistica do governo galego e também da Deputaçom da Corunha e foi implementado pola empresa Sem Lios que, além de todo o desenvolvimento web, também integrou a imagem do Ano Carvalho Calero 2020 do desenhador Pancho Lapeña.

Entre os elementos mais chamativos do site ressalta a possibilidade de poder ser consultada, para além do galego internacional que defende a associaçom, também em galego oficial, em aplicaçom do binormativo que a AGAL tem defendido nos últimos anos. Em relaçom aos conteúdos destacam os dedicados à vida e obra de Carvalho Calero, com um texto biográfico da autoria de Martinho Montero Santalha e umha secçom com as fichas de todas as monografias do autor, compiladas por Marcos Saavedra. Esta secçom será ampliada proximamente com a inclusom de trabalhos menores e artigos. Na parte dedicada aos recursos também podem consultar-se várias unidades didáticas adaptadas aos diferentes níveis do ensino, realizadas polos docentes Laura García Díaz, Marisa Moreda Leirado e Bernardo Penabade, e mesmo um monográfico dedicado ao Scórpio e outro à sua leitura em chave feminista, da autoria de Teresa Crisanta e Susana Sánchez Aríns, respectivamente.

Outro dos espaços mais atraentes do site carvalho2020.gal será Eventos, onde estará alojada a exposiçom “A voz presente” e informaçom sobre diferentes atividades que neste momento se encontram adiadas por causa da crise sanitária, mas sobre as quais se poderá obter informaçom “Dentro de pouco”, como se informa o próprio sítio web.

Audiovisuais (entre os quais o documentário “De Carballo a Carvalho” produzido pola AGAL este ano), citações e outros conteúdos variados completam a página web que na AGAL pretendem que seja, desde já, “o espaço de referência na rede sobre Carvalho Calero, nom só para este ano mas também para os próximos, nos que com certeza o mestre reintegracionista ainda dará muito que falar” concluiu Penas para apresentar o site.

O projecto foi implementado pola empresa Sem Lios que, além de todo o desenvolvimento web, também integrou a imagem do Ano Carvalho Calero 2020 do desenhador Pancho Lapeña.

AGAL organiza obradoiros de português para centros de ensino primário e secundário em Moanha

Saioa Sánchez, neofalante: “Para mim faz muito sentido falar galego se vais viver na Galiza”

Lançamento do livro “André”, de Óscar Senra, com Susana Arins em Vedra

AGAL e Concelho de Cotobade apresentam Leitura Continuada da República dos Sonhos

Queique de abacate e limão

O 39º COLÓQUIO DA LUSOFONIA decorrerá em Vila do Porto (Santa Maria, Açores) de 3 a 6 de outubro 2024

AGAL organiza obradoiros de português para centros de ensino primário e secundário em Moanha

Saioa Sánchez, neofalante: “Para mim faz muito sentido falar galego se vais viver na Galiza”

Lançamento do livro “André”, de Óscar Senra, com Susana Arins em Vedra

AGAL e Concelho de Cotobade apresentam Leitura Continuada da República dos Sonhos