AGAL 25J: fráguas, carvalhos e binormativismo



Estátua Carvalho Calero (Compostela)

A Associaçom Galega da Língua (AGAL) convoca O Mundo Inteiro em Compostela no dia 25 de julho para, aproveitado a tradicional manifestaçom que parte da Alameda às 12h, reivindicar o binormativismo, celebrar as figuras de Antonio Fraguas e de Carvalho Calero (a quem quer o mundo inteiro) e distribuir gratuitamente o Fest-AGAL. Ainda, à tarde, como cada ano, teremos à venda os livros da Através Editora para as milhares de pessoas que nesse dia visitam o Festigal.

Se quiseres dar umha mãozinha nas múltiplas atividades que temos agendadas, poderás encontrar o pessoal da associaçom nos seguintes locais:

10h30, Adega Abrigadoiro (Carreira do Conde, 5)

Combinamos na Adega Abrigadoiro, mítico cenáculo compostelano vizinho porta com porta da casa em que viveu Carvalho Calero (Carreira do Conde, 4), para o vermute e o briefing. As pessoas que chegarem pontuais (às dez e meia em primeira convocatória e às onze em segunda convocatória e hora limite de chegada) e se comprometerem com a distribuiçom do Fest-AGAL (jornal da AGAL que se distribui no Dia da Festa Nacional) levarám como agasalho abrigadoiro umha T-shirt da campanha “BiNormativismo: um ‘new balance’ para o galego” em sinal de ‘obrigadoiro’.

No mesmo local, às 11h15, o ‘briefing’: organizaçom das equipas de ardinas (paperboys & papergirls) para a distribuiçom maciça do Fest-AGAL 2019 ao longo do percurso da Manifestaçom Nacional do 25-J, do início até ao fim, da Alameda à Quintã.

11h45, Estátua Carvalho Calero (Jardins da Carreira do Conde / Av. Joám Carlos I)

Foto de família numerosa sob o lema “Carvalho Calero Quer-Te O Mundo Inteiro”. Dress Code: T-Shirt da AGAL (qualquer umha) ou reintegracionista em geral. A mera presença na histórica fotografia dará direito a ser sócia ou sócio da AGAL de maneira totalmente gratuíta até 31 de dezembro do ano corrente, quer dizer, durante o que resta do Ano Antóm Fráguas. As e Os “Carvalho Calero LOVERS” que desejarem continuar a fazer parte da família ‘agálica’ durante o Ano Carvalho Calero, só começariam a cotizar a partir do 1º de janeiro de 2020 (*)

12h00, Alameda de Compostela

Saída da Manifestaçom e frágua dum(ha) novo/a sócio/a. Contaremos no cortejo agálico com a presença de Dom Ricardo Carvalho Calero ‘in person’, Sócio de Honra da AGAL, que assinará autógrafos sobre a capa do FEST-AGAL 2019 – da que é absoluto protagonista – e fará selfies com quem assim o desejar, com todo o mundo, com o mundo inteiro. Esta prova (foto)gráfica dará também à pessoa (co)protagonista o direito a pertencer à AGAL de forma totalmente gratuita até ao final do Ano Antón Fraguas Fraguas corrente. Quem quiser continuar a pertencer à nossa associaçom no Ano Carvalho Calero próximo – quem poderia querer perder umha oportunidade assim em tam histórico momento? – só começaria a cotizar a partir do 1° de janeiro de 2020.

14h00, Praça da Quintã

Reagruparemo-nos na Quintã para cantarmos”Os Pinos” e fazermo umha nova foto de família sob o lema “Carvalho Calero Quer-Te O Mundo Inteiro”.

Pola tarde do dia 25, Festigal

Na banca da Através no Festigal (Câmpus Sul, de 15h a 22h), onde estará à venda toda a coleçom da Através Editora, nomeadamente os livros estrela deste ano: O galego e o português são a mesma língua? (Marco Neves) e 40 datas que fizeram a história da Galiza (Carlos Velasco). Se apareceres por ali, nom deixes de interessar-te polos livros de Carvalho Calero que a editora lançou nos últimos anos, nomeadamente o seu romance mais conhecido, Scórpio, ou umha compilaçom de artigos linguísticos: Carvalho Atual.

Pola tarde do dia 25, nos diferentes atos políticos

Os partidos políticos receberám a visita do nosso primeiro sócio de honra nalgum momento da tarde.

(*) Quem nom puder marcar presença em Compostela no Dia Nacional da Galiza também poderá beneficiar-se desta promoçom especial subindo a qualquer hora do dia (durante o 25 de Julho unicamente) um auto-retrato ou umha selfie ao pé de Carvalho Calero (em qualquer formato: busto de bronze, mural, placa de rua…) à sua rede social favorita (Twitter, Facebook & Instagram) com mençom à AGAL.


PUBLICIDADE