Unidade didática: Scórpio e Carvalho Calero



capa_unidade_didatica_scorpioA Associaçom Galega da Língua (AGAL) apresenta umha unidade didática sobre Ricardo Carvalho Calero e o seu livro Scórpio. A unidade conta com várias secções biográficas e literárias que pretendem orientar as novas e novos leitores que se achegam a este clássico da literatura galega.

Esta unidade didática está englobada como umha atividade mais dentro da ‘Rede Scórpio’, iniciativa da AGAL que promoveu umha série de atividades que comemorárom o 30º aniversário da primeira publicaçom de Scórpio. Este projeto contou com financiamento da Deputación da Coruña e desenvolveu-se especialmente no último trimestre de 2017.

A ‘Rede Scórpio’ tivo como objetivos principiais dar a conhecer este livro entre a sociedade galega, divulgar a sua importáncia como testemunho da nossa memória histórica e fomentar a sua leitura. Neste sentido, a primeira das iniciativas foi a reediçom do livro por meio da Através Editora e que conta com epílogo de Arturo Casas e um booktrailer para ajudar na sua divulgaçom. Esta nova ediçom foi ademais distribuída nas bibliotecas da província da Corunha. Outras atividades da ‘Rede Scórpio’ fôrom o lançamento do livro ao fio de histórias contadas polo Quico Cadaval e o Prémio Scórpio de Narraçom Breve.

E com a publicaçom da unidade didática sobre Scórpio e Carvalho Calero dá-se fecho ao programa da ‘Rede Scórpio’. Boa leitura!

Descarrega a unidade_didatica_scorpio


PUBLICIDADE