A Associaçom Pró-Escola Semente Vigo está a trabalhar arreu para a cidade contar em janeiro com a primeiro centro educativo de imersom em galego de base popular. Acha-se na rua Doutor Corbal, 102, no bairro de Teis e a faixa de idades alvo é de 2 a 6 anos.
As Escolas de Ensino Galego Semente som um espaço de uma pedagogia transformadora ao serviço dos interesses populares baseada nos seguintes princípios: coeducaçom, laicidade, assemblearismo, interaçom com a natureza, respeito pola autoregulaçom da criança, integraçom no contexto do seu bairro e da cidade.
A Semente Vigo sustém-se graças a trabalho militante e por quotas de sócias e sócios que, mesmo sem precisarem dos serviços de umha escola, acreditam na necessidade de possuirem um ensino em galego.
Para financiarmos a reforma do local lançamos umha campanha de captaçom de fundos que reforçamos agora com um sorteio de vários prémios entre as e os doantes de 20€ ou mais:
- Um jantar (meio-dia) para seis pessoas na Arca da Noe, em Vilar de Santos (Límia).
- Umha cesta de produtos da cooperativa de consumo consciente ÁRBORE de Vigo.
- Umha noite com (pequeno) almoço ecológico para duas pessoas em Nornas Hostel (Gondomar).
- Umha assinatura anual ao Sermos Galiza.
- Um lote de cinco livros da Edições da Galiza + Viagem ao Curdistám de Séchu Sende.
- Umha assinatura anual ao Através Clube (enviarám-se a casa todos os livros editados em 2015).
- Um lote de produtos da cooperativa Monte Cabalar da Estrada.
- Um curso aPorto + acompanhante para assistir às atividades sócio-culturais da tarde.
- Umha assinatura anual ao Novas da Galiza.
Se quigeres colaborar connosco, temos conta na Caixa Rural Galega, com o IBAN: ES3330700045166112303927 e o BIC: BCOEESMM070. O assunto a colocar é “Doaçom à Semente Vigo de (o vosso nome e apelidos)”.Obrigad@s a tod@s @s que já o tedes feito!
