Semente Vigo: “A escola oficial sempre dependerá do governo de turno e da sua implicaçom com a educaçom e a língua. Com as Sementes ativas isso fica garantido”



semente-marcador9.000€ pras derradeiras! é o nome da campanha de angariação de fundos que a Semente Vigo lançou na segunda metade do mês de outubro, na plataforma Goteo para tratar financiar as obras realizadas no local de Teis este verão.

A quase 15 dias da finalização da Campanha, com 58 financiadores e perto de 3.500 euros os resultados estão longe dos objetivos mínimos marcados de 8.000 euros.

Entrevistamos com este motivo no PGL a junta diretiva da Semente, encorajando o pessoal consciente para colaborar nesta necessária campanha que é o alicerce de toda escola nacional galega futura, independente do sistema oficial.

 

**

 

Víctor, Conchi e Mónica.

Víctor, Conchi e Mónica.

 

Para que é esta campanha em Goteo?

Victor: Para pagarmos as diferentes obras que estivemos obrigados a fazer na escolinha para cumprirmos todos os requisitos que nos pedia a Câmara e obtermos a licença municipal.

Como vão as achegas neste tramo da campanha a respeito dos objetivos?

Víctor: Nesta altura tínhamos que estar perto do objetivo final e ainda nom chegamos à metade.

Conchi: Agradecemos muito às pessoas que já figérom o seu contributo e que permitírom arrecadarmos até hoje 3.400€. O Objetivo Mínimo é 8.080€ polo que  precisamos que a gente siga a difundir e a colaborar connosco nesta campanha. É importante lembrar também que se nom chegarmos a essa cifra perdemos todo, nom ficamos com o arrecadado até o momento.

Por que é importante para a Semente Vigo este dinheiro?

Mónica: O primeiro para devolvermos os empréstimos a quem nos ajudárom a superar as dificuldades xurdidas por causa das exigências da Câmara para termos o centro aberto. Segundo porque queremos seguir fazendo cousas que nos acheguem à gente, que o labor da Semente seja reconhecido coma um projeto com muitos valores educativos e emocionais e para isso precisamos campanhas de visivilizaçom. Estamos a falar dumha cidade castelão-falante onde o galego reduze-se a uns centos de pessoas que luitam por fazer país e por revitalizar a nossa cultura. Que falem de nós, que perguntem por nós e que saibam da nossa presença coma umha opçom educativa alternativa.

Queremos os quartos também coma unha metáfora dum projeto de futuro para as crianças galegas, para que saibam quem som e que figérom os seus devanceiros, para que sintam a raiz da sua terra coma algo natural, coma algo essencial.

Por que é fundamental manter a Semente Vigo e as outras Sementes para constituirmos uma escola nacional independente do sistema escolar oficial?

Maria: A escola oficial sempre dependerá do governo de turno e da sua implicaçom com a educaçom e a língua. Com as Sementes ativas isso fica garantido.

Conchi: O projeto Semente nasceu da consciência e da preocupaçom dalgumhas famílias galego-falantes que viam as suas crianças perderem o galego quando entravam na escola, o que acontece principalmente nas cidades e vilas da Galiza.

Fica demonstrado por numerosos estudos sociolingüísticos que a escola,  tanto pública coma privada, é um instrumento que destrui galego-falantes e mais ainda desde o decreto que aprovou o partido que está a governar. Sem políticas públicas que de verdade apostem por unha educaçom em galego é necessária a Semente. Desejamos que chegue o dia onde a Semente nom seja precisa.

semente-vigo-pessoal-01

Que futuro tem a Semente se logra ter presente?

Maria: Pessoalmente acho que poderia chegar a ser um referente a nível pedagógico e lingüístico porque se está a criar umha boa base onde medrar.

Mónica: Motivar novas alternativas que empoderem a nossa cultura a través da educaçom e que afiancem o pensamento de que falar e pensar em galego nom é algo que nom serva para nada mas que é a porta cara a um mundo globalizado que precisa de culturas vivas coma a nossa. Nom esqueçamos que as sementes de hoje serám as árvores que fagam fragas no manhã.

logotipo_2017-semente-vigo

Doações em Goteo:

https://gl.goteo.org/project/9000-pras-derradeiras

Mais informaçom:

http://sementevigo.gal/

https://www.facebook.com/Semente-Vigo-988416214561576/

https://twitter.com/sementevigo102

 

Vídeos da campanha:

https://www.youtube.com/watch?v=_GssYflT4H0

https://www.youtube.com/watch?v=A7UCS5GRA4g (NOVO)

 


PUBLICIDADE

  • Ernesto V. Souza

    Um projeto fundamental… para todo o reintegracionismo e o futuro dos galego falantes… a ver se damos um pulo final para conseguirmos o objetivo.

  • abanhos

    Por fim um projeto de escola galega.
    Parabéns