Regueifesta – II encontro de improvisaçom oral em verso

II Encontro Regueifesta, 12 maio, Auditório da Galiza, 10,30 h.



regueifestaEste 12 de maio, sexta-feira, terá lugar no Auditório da Galiza, em Santiago de Compostela, o   “II Encontro Regueifesta” de improvisaçom oral em verso, às 10.30.

O Projeto Regueifesta  é um projeto inovador que está a impulsar a improvisaçom oral em verso -valores, aprendizagens e novas normas socio-culturais- no âmbito educativo. O seu objetivo é impulsar  um processo de transformaçom através da língua, a música e valores de justiça social, desde a dimensom lúdica da regueifa, e implicando a comunidade educativa e múltiples agentes sociais.

Regueifesta desenvolve um processo de participaçom para a normalizaçom linguística, impulsando dinâmicas de ativismo no ámbito educativo, desde o protagonismo do alunado, professorado e comunidade educativa e vinculando a escola com o movimento social.

O Projeto está a ser impulsado, inicialmente, polos institutos de Baio e As Cruzes, e no Encontro Regueifesta do vindeiro 12 participarám 20 centros de ensino de Compostela e do resto da Galiza. Assi mesmo, tamém chegará o IES de Arrátia, desde Euskal Herria, para participar no segundo intercámbio educativo Regueibertso de improvisaçom oral.

Já está confirmada a asisténcia de 1000 estudantes que encherám as butacas do Auditório da Galiza. Participarám regueifando Alba Maria e Josinho da Teixeira, o grupo VintenBaio do IES de Baio presentará o seu disco “Ainda queda xera”, o alunado do IES Antón Fraguas porá a bailar todo o auditório com a sua proposta musical e o alunado do IES de Arrátia improvisará bertsos (a expresom basca da improvisaçom oral em verso).

Ademais, a Regueifesta apresenta a nova fornada da regueifa: Xairo de Herbón, Esther das Luras, Noa de Capón, Nuria das Cruces, Lorena Medela e Xandro de Baio.

Terá lugar tamém a entrega de prémios do “I Certame Enreguéifate”, impulsado polo Departamento de Língua do Concelho de Santiago, co objetivo de dar a conhecer o repente galego entre a gente nova. A artista Lidia Botana, Bolboreta, tamém actuará na Regueifesta como madrinha do evento, presentando o tema “Boina e Txapela”, hino do projeto deste ano.

A Regueifesta continua a sua celebraçom à tarde, no Centro Xove da Almáciga, co I Festival “Boina e Txapela”, umha festa musical de freestyle, rap e rock que contará com a participaçom de Garcia MC e DJ Mil, Moudafaca e Gato Persa, Lidia Botana e, desde Euskal Herria, Radio Revolución e que terá um tempo para micro aberto e improvisaçomo de quem queira participar. Este festival terá lugar a partir das 19.00h.

A Concelharía de Educaçom e o Departamento de Língua do Concelho de Santiago, a Vicepresidéncia da Deputaçom da Corunha e a Secretaria Geral de Política Linguística da Xunta de Galiza som as tres entidades públicas que colaboram no Encontro Regueifesta e no Festival Boina e Txapela.


PUBLICIDADE