U2 atuará em Lisboa no Verão

Partilhar

Vou completar a informaçom  fornecida polos telejornais da TVG de 16 e 26 de janeiro nos que se dava conta das atuações nos próximos 20 e 21 de setembro da banda em Madrid e avisar da possibilidade de desfrutardes de mais duas atuações, uns dias antes e uns quilómetros mais perto para muit@s de vós. Decorrerám no Altice Arena de Lisboa o 16 e 17 de setembro.
Embora ter recuperado o correspondente no Porto, a TVG continua a ficar de costas viradas para Portugal. Umha forte trovada com vítimas em Vieira do Minho, umha capitalidade europeia da cultura em Guimarães, um engarrafamento no Porto ou umha atuaçom do Júlio Iglesias no casino da Póvoa de Varzim nom som noticiáveis para as agências espanholas e, portanto, também nom para a TVG. Nem por identidade, nem por afinidade, nem sequer por vizindade e utilidade, o que alá acontecer acham nom ser do nosso interesse ou quando menos nom ao nível dumha forte trovada em Gandia, umha Capitalidade Europeia da Cultura em Salamanca, um engarrafamento em Madrid ou umha atuaçom do Júlio Iglesias em Málaga.
Tanto tem ser descumprida a Lei Paz Andrade ou esquecer a existência da Eurorregião e do Eixo Atlántico, na TVG  tudo o que tem a ver com Portugal, mesmo se acontecer no Norte, nom é prioridade nenhumha. Tampouco o Berzo nem outras comarcas vizinhas de língua e cultura galega. E como é parvada aguardar a que escampe, aproveito para anunciar a atuaçom da Björk o 18 de agosto em Paredes de Coura, a só quinze quilómetros da Raia.
PS. Olhai os vídeos das novas e reparai na incapacidade da apresentadora para dizer a palavra “dous” tendo de recorrer ao “dos” do espanhol para nomear o grupo irlandês.