PGL – A Real Academia Galega está a estudar a hipótese de formular um recurso contra o Decreto do Plurilingüismo, aprovado há várias semanas polo governo de Nuñez Feijóo.
A RAG está à espera do resultado de um informe jurídico que encarregárom a «técnicos independentes». As intençons dos académicos baseiam-se no ditame do Conselho Consultivo da Galiza, que vê «indícios de ilegalidade» no decreto, e que pujo em dúvida a constitucionalidade de medidas como a consulta aos pais sobre a língua inicial. «O plenário [da RAG] entende que há material mais doque suficiente para o recorrer. O ditame do Conselho Consultivo está ai», declarou o académico Francisco Fernández Rei.
A Real Academia Galega foi umha das primeiras entidades em rejeitar o Decreto do Plurilingüismo. Além da provável acçom polo contencioso-administrativo da RAG, o Decretaço conta já com os recursos da Mesa pola Normalizaçom Lingüística, a CIG e de Galicia Bilingüe (esta por razons opostas às organizaçons anteriormente citadas).
+ Ligaçons relacionadas:
- A Academia prepara-se para recorrer o Decreto do galego [El País, 30/06/2010]
- Pedem a demissom do conselheiro da Educaçom ante o ditame do Conselho Consultivo [PGL, 14/05/2010]
- O Conselho Escolar da Galiza rejeita o Decretaço [PGL, 08/04/2010]
- O Conselho da Cultura também rejeita o Decreto da Junta [PGL, 02/03/2010]
