PGL – O Instituto Camões, principal instituiçom da língua e a cultura portuguesa e dependente do governo luso, e o King‘s College of London (KCL), assinárom protocolo de colaboraçom polo qual o centro británico criará um Centro de Estudos de Língua e Cultura Portuguesa (CELCP).
Os objectivos marcados pola iniciativa som a promoçom e valorizaçom do status da língua portuguesa, «juntando esforços na organizaçom de actividades, financiamento e logística de instalaçons». Para isto prevê-se a criaçom de um espaço físico para o Centro CELPC, que terá biblioteca de língua, cultura, história, política, sociedade portuguesa e de lusofonia e um local de trabalho para o director.
Da outra banda, o Instituto Camões encarregará-se de fornecer de materiais como livros, documentos multimédia ou audiovisuais, e a suportar o salário do direitor.
O início do Centro de Estudos devera produzir-se em setembro, coincidindo com a reestruturaçom do departamento de Estudos Portugueses e Brasileiros da Universidade de Londres, que se fundiu com o departamento de Estudos Hispánicos e Latino-Americano. Esta mudança, segundo o professor de História do KCL, Francisco Bethencourt, intenta fortalecer os departamentos, que acusavam a escassez de alunado.
A funçom do novo CELCP, sediado em Londres, é a dinamizaçom mediante eventos e colaboraçons com outras instituiçons e organizaçons do Reino Unido, também estendendo-a a outras áreas das ciências sociais.
Com este som já quatro Centros de Língua Portuguesa no Reino Unido: Oxford, Leeds e Newcastle na Inglaterra e Edimburgo na Escócia.
+ Ligaçons relacionadas:
- Instituto Camões e King’s College de Londres criam Centro de Estudos em Língua e Cultura Portuguesa [SIC, 07/05/2010]
- PCP quer explicações do Instituto Camões sobre fim do ensino de português em alguns países [PGL, 21/01/2010]
- Segundo a presidenta do Instituto Camões, o ensino do português como língua materna pode acabar nalguns países [PGL, 18/01/2009]
- Nova presidenta do Instituto Camões [PGL, 14/01/2009]
- Web do Instituto Camões