PGL – Perante a fantasiosa descriçom do porta-voz conservador na Cámara Municipal de Compostela, Gerardo Conda Roa, em que relacionava os locais sociais compostelanos da Gentalha, Henriqueta Outeiro, a Sala NASA e a associaçom As Marias com grupos para-terroristas e fornecedores de material para a kale borroka (coquetéis molotov…), da Gentalha do Pichel anunciam para já acçons civis e penais caso nom haja rectificaçom.
Num comunicado de imprensa difundido hoje, da associaçom cultural com sede na rua Santa Clara informam do carácter cívico das suas actividades (mais de mil nos seus quatro anos de existência); da participaçom crítica mas pacífica na mobilizaçom do passado dia 8 (na charanga ridiculista «Bilinguismo Mr Marshall» e na colocaçom da faixa «Dia Internacional do Parvo»), sem interromper nem impedir a marcha de Galicia Bilingue; e da sua intençom de iniciar acçons civis e penais contra Gerardo Conda Roa caso hom haja recitificaçom pública das difamaçons lançadas polo dirigente do PP.
O comunicado finaliza assegurando que «apesar desta “cruzada” do PP contra os movimentos populares e o tecido associativo da cidade, a Gentalha nom deixará de trabalhar na dinamizaçom de Compostela achegando novas propostas culturais, recuperando as nossas tradiçons e contribuindo para a plena galeguizaçom da comarca. Nom continuaremos, portanto, a alimentar este esperpento mediático que outros necessitam para existir».
Também do Centro Social Henriqueta Outeiro emitírom um comunicado através do qual manifestam nom terem nada que ocultar, afirmando que «as pessoas que formamos parte deste Centro Social nom temos nem tivemos problemas relativos com a violaçom de direitos das pessoas, nem encausamentos que nom sejam relativos ao nosso compromisso político e social com a nossa pátria e com a nossa classe».
Por outro lado, som diversos os Centros Sociais que também emitírom comunicados a respeito da manifestaçom de passado dia 8 e mesmo em apoio das entidades acusadas por Gerardo Conde Roa:
+ Ligações relacionadas:
- O Grande Irmão anda chosco [PGL, 11/02/2009]
- Sucesso ridiculista e brutalidade policial na manifestaçom polo apartheid lingüístico na Galiza [PGL, 09/02/2009]
- Crónica enviada por Ângelo Cristóvão [PGL, 08/02/2009]
- Rejeiçons à manifestaçom galegófoba deste domingo [PGL, 07/02/2009]
- «Bilingüismo, Mr. Marshall!»: festa e humor face o espanholismo [PGL, 03/02/2009]