Falecimento de Domingos Prieto Alonso



domingos-prietoA Associaçom Galega da Língua, participa da dor da família, amizades, companheiros/as e discípulos/as, e com todos os nossos respeitos, lamenta informar do falecimento do Prof. Dr. Domingo Prieto Alonso, em Albufeira, Portugal.
Linguista com formaçom nas universidades de Lille e da Sorbona, professor no Liceu Clássico e Moderno de Denain e na Escola de Altos Estudos Mercantis de Lille, Doutor pola Universidade de Utreque (1985), de 1973 a 1991 foi docente e pesquisador na Universidade de Groningen. Desse ano a 1992 foi professor de Linguística Geral na Universidade da Corunha. Afastando-se depois, por problemas de saúde, das cátedras.
Histórico reintegracionista, publicou numerosos artigos especializados sobre linguística aplicada, fonologia, métrica e sintaxe do galego, com umha presença destacada e precursora, na Revista Grial, nos anos 70. As suas teses sobre a geada, rotacismo e métrica aplicada serviram de base a numerosos estudos posteriores.
As questões relativas à sintaxe dos clíticos foram tema de umha comunicaçom no I Congresso de Língua Galego-portuguesa na Galiza, resumo das linhas centrais da sua tese de Doutoramento (Prosodie et Syntaxe. La position des clitiques en galicien-portugais.- Groningen : Rewgneboog Stichting, 1986) um contributo fundamental, celebrado e apreciado polo mesmíssimo Ricardo Carvalho Calero, para entender a complexidade das estruturas sintáticas partindo da ideia de contexto, foco e intensidade (destaque de elementos tam próprio do galego oral) e nom de prescrições e regras gramaticais.
Publicou em Agalia “O rotacismo galego” e, ao longo da sua vida, continuou a trabalhar em diferentes aspetos da língua, dando em todo momento exemplo, defendendo as teses e legado de Carvalho Calero e sendo sempre fiel ao reintegracionismo.
Será enterrado no seu Cerdedelo natal, Ourense.

Bibliografia


PUBLICIDADE