‘As Cantigas de Santa Maria. Arte BDieval’, em Vigo



As Cantigas de Santa Maria. Arte BDieval é umha exposiçom itinerante de banda desenhada desenvolvida por BDBanda com a colaboraçom da AGAL. Trata-se de umha aproximaçom inédita a estas cantigas que explora a sua vinculaçom com a banda desenhada. A exposiçom estará instalada no Conservatório Superior de Música de Vigo (Rua de Manuel Olivie, 23) entre os dias 10 e 31 de maio.

Esta amostra, editada em português, analisa como nestas cantigas, para lá da importância musical, cabe destacar um «exemplo pioneiro da novena arte». Som dez painéis a toda cor em que se analisa de modo didático alguns dos recursos próprios da banda desenhada que se podem encontrar nesta obra, tais como a composiçom de página, a representaçom do tempo ou a integraçom de texto de desenhos. A exposiçom também achega informaçom de contexto sobre questões como a história, a língua ou a elaboraçom dos códices medievais.

As Cantigas de Santa Maria. Arte BDieval oferece-se aos centros educativos acompanhada de um guia didático onde se propõem múltiplas atividades a partir das cantigas, animando a compreendê-las como um projeto multimédia que se pode tratar a partir de disciplinas como Literatura, História, Música ou Arte.

As Cantigas de Santa Maria. Arte BDieval

Quer levar a exposiçom ao seu centro?

Como indicado, a exposiçom tem caráter itinerante e está disponível para exibir aos centros educativos interessados, que podem solicitar mais informações no endereço eletrónico logistica[arroba]agal-gz.org.

+ Ligações relacionadas: