As mulheres regueifeiras reunem-se nas Cruzes

IES Marco do Cambalhom, 24 fevereiro Vila de Cruzes



Este sábado, 24 de fevereiro, terá lugar o II Encontro de Mulheres Repentistas da Galiza em Vila de Cruzes, organizado pola comunidade educativa do IES Marco do Cambalhom.

repentistas2018

Neste Encontro, que tem como objetivo visualizar a nova geraçom de improvisadoras da Nova Regueifa Feminista e servir de foro de reunióm para as protagonistas deste movimento, achegaram-se às Cruzes mais de quinze repentistas de todo o país. O alunado do instituto das Cruzes convida a toda a vizinhanza da comarca e da Galiza a participar neste evento aberto ao público.

A jornada começa às 11.30 com umha Assembleia de Mulheres Regueifeiras, onde se valorará a situaçom atual do movimento repentista. À tarde, às 16.30 terá lugar umha mesa redonda sobre Regueifa e feminismo e a continuaçom um espetáculo de regueifa onde participarám regueifeiras da Galiza.

No espetáculo participarám regueifeiras locais como Nuria das Cruzes ou Lorena Medela, ao lado doutras repentistas como Alba María, Sara Marchena, Sofia, a Gharota da Ribeira, Marisa Otero, Pia Lago, Lara do Ar, Silvinha, Aurora Redondo, Olaia Liñares ou Joana Santos Vilela e Estrela do Courel, crianças do Clube de Regueifa da Escola Semente de Compostela.

No evento haverá un momento para umha homenagem póstuma ms persoas que no ano 1980 foron gravadas pola musicóloga suíza Dorothe Schubart en Sabrexo e cujas cançons formam parte do Cancioneiro Popular Galego e do património inmaterial do nosso país.

Depois do espetáculo, terá lugar às 20.30 umha foliada regueifesta no Bar Txapela.

O IES Marco do Cambalhom está a impulsar a improvisaçom oral em verso junto ao IES de Baio através do Proxeto Regueifesta e com este Encontro quere facilitar ao alunado do Cambalhom umha experiência de organizaçom e autogestióm. O alunado da matéria de 2º da ESO “Regueifa e improvisaçom oral em verso” dinamiza, junto ao professorado que orienta esta atividade, um processo de gestom cultural do que som protagonistas.

O alunado do IES Marco do Cambalhom convida toda a vizinhanza de Vila de Cruzes a presenciar o Encontro de Mulheres Regueifeiras às 18.00 no Auditório Xosé Casal e às 20.30 no Bar Txapela, atividades gratuítas e abertas para todas as idades.


PUBLICIDADE