PGL – As Cantigas de Santa Maria. Arte BDieval é uma exposiçom itinerante de banda desenhada desenvolvida por BDBanda com a colaboraçom da AGAL. Trata-se de uma aproximaçom inédita a estas cantigas que explora a sua vinculaçom com a banda desenhada. Depois de estar no IES Terras de Xallas, agora vai para o IES Marco do Cambalhom, em Vila de Cruzes
Esta amostra, editada em português, analisa como nestas cantigas, para lá da importância musical, cabe destacar um «exemplo pioneiro da novena arte». Som dez painéis a toda cor em que se analisa de modo didático alguns dos recursos próprios da banda desenhada que se podem encontrar nesta obra, tais como a composiçom de página, a representaçom do tempo ou a integraçom de texto de desenhos. A exposiçom também achega informaçom de contexto sobre questões como a história, a língua ou a elaboração dos códices medievais.
As Cantigas de Santa Maria. Arte BDieval oferece-se aos centros educativos acompanhada de um guia didático onde se propõem múltiplas atividades a partir das cantigas, animando a compreendê-las como um projeto multimédia que se pode tratar a partir de disciplinas como Literatura, História, Música ou Arte.
Na imagem, umha das montagens anteirores da exposiçom
[Prima aqui para alargar a imagem]
Quer levar a exposição ao seu centro?
Como indicado, a exposiçom tem caráter itinerante e está disponível para exibir aos centros educativos interessados, que podem solicitar mais informações no endereço eletrónico logistica[arroba]agal-gz.org.
+ Ligações relacionadas:
- “As Cantigas de Santa Maria. Arte BDieval” na UPV/EHU de Gasteiz [PGL, 03/03/2014]
- “As Cantigas de Santa Maria. Arte BDieval” na Universidade de Deusto [PGL, 13/02/2014]
- ‘As Cantigas de Santa Maria. Arte BDieval’, percorre já centros educativos da Galiza [PGL, 19/03/2013]
- AGAL colabora com BD Banda numha exposiçom de banda desenhada [PGL, 26/11/2012]
