9 de março: Dia do Galego no Berzo



No passado domingo, dia 9, decorreram em Vila Franca as X Jornadas Martín Sarmiento. Popularmente Dia do Galego no Berzo. De manhã as protagonistas fórom as mais de mil alunas dos catorze centros de primária e dos quatro de secundária  que ofertam galego no Berzo e na Seabra.
foto-08
As primeiras desfrutárom do espetáculo Radio Bule-Bule de Paco Nogueiras por enquanto as segundas, junto com alunas da EOI de Ponferrada, participárom num itinerário didático por Vila Franca.
foto-04
À tarde decorreu no formoso teatro “Enrique Gil y Carrasco” a mesa-debate “As arelas de Sarmiento” na que foi avaliado o cumprimento dos compromisos de anos anteriores e o estabelecimento de novas propostas para o futuro. Entre os aspetos positivos assinalou-se o alargamento da oferta e da demanda nos centros de primária bem como a convocatória do I Prémio Morales para a promoçom da língua galega no Berzo. Entre os negativos destacou-se a dificuldade para a toponímia tradicional galega conseguir ser oficial e a péssima situaçom do galego no Bacharelato desde 2015 quando a Conselharia da Educaçom da Junta de Castela e Leom mandou para fora do currículo a matéria de Língua e Cultura Galegas, tornando-a de livre configuraçom autonómica e tendo de ser ministrada em horário nom letivo.
foto-03
Participárom no debate membros do Grupo As Médulas, professoras de galego no Berzo, presidentes e representantes das câmaras municipais de Carucedo, Vila Franca e Corulhom, pessoal da Conselharia de Educaçom da Junta de Castela e Leom e o Secretário Geral de Política Linguística da Junta da Galiza.
foto-01
O canal La 8 Bierzo da televisom pública de Castela e Leom cobriu o evento e noticiou-no no telejornal da noite, pola contra a TVG nem sequer estivo presente.
foto-07
Mais informaçom:
Álbum de fotos:
foto-02
foto-05

foto-06

foto-09

foto-010


PUBLICIDADE